ShQO-da otqa oranǵan jer úıden 29 jastaǵy áıeldiń denesi tabyldy

ÓSKEMEN. KAZINFORM – Shyǵys Qazaqstan oblysy Glýbokoe aýdanynda jer úıde órt shyǵyp, 1 adam kóz jumdy.

Oblystyq Tótenshe jaǵdaılar departamenti baspasóz qyzmetiniń málimetine súıensek, oqıǵa Glýbokoe aýdany Zarechnyı aýylynda bolǵan.

- Qutqarýshylarǵa jer úıde órt shyqqany jaıly habar tústi. Olar sol jerge shuǵyl kelip jetti. Sol kezde órt úıdiń edáýir bóligin sharpyp jatty. Barlaý kezinde bólmelerdiń birinen áıeldiń máıiti tabyldy. Marqum 29 jasta bolǵan, - delingen aqparatta.

Órt sóndirýshiler kelgenshe kýágerler úıden es-tússiz jatqan er adamdy syrtqa alyp shyqqan. 40 jastaǵy azamat aýrýhananyń jansaqtaý bólimine jatqyzyldy.

Aldyn ala derek boıynsha qyzyl jalynnyń shyǵý sebebi – pesh jaǵý kezinde órt qaýipsizdigi erejelerin saqtamaý.

Eske salsaq, buǵan deıin jyl basynan beri Almatyda 5 qoıma órtengeni habarlanǵan.