ShQO-da otqa oranǵan garajda gaz ballondary bolǵan
ÓSKEMEN. QazAqparat – Shyǵys Qazaqstan oblysynda órt sóndirýshiler otqa oranǵan garajdan 6 gaz ballonyn alyp shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, órt Borodýlıha aýdany Jańa Shúlbi kentindegi Abeýlov kóshesinde bolǵan. Qutqarýshylar oqıǵa ornyna birden attanǵan. Garajdy sharpyǵan qyzyl jalyndy aýyzdyqtaý úshin qosymsha kúsh shaqyrylǵan.
Órt sóndirýshiler tilsiz jaýdy óshirý kezinde 6 gaz ballonyn tapty. Dereý olardy sýytyp, qaýipsiz jerge alyp shyqty. Sonymen qatar órt sóndirýshiler jalyn ary taramas úshin bir shatyrdyń astynda ornalasqan jazǵy asúı men monshaǵa sý shashty.
«Eger ballondar jarylsa ne bolaryn elestetýdiń ózi qorqynyshty. Lezde áreket etken órt sóndirýshiler qaıǵyly jaǵdaıdyń aldyn aldy», - delingen vedomstvo málimetinde.
