ShQO-da otbasylyq zorlyq-zombylyq kóbeıdi

ÓSKEMEN.KAZINFORM - Shyǵys Qazaqstan oblysynda otbasylyq zorlyq-zombylyq faktileri kóbeıip ketti.

Jyl basynan beri óńirde otbasylyq-turmystyq zorlyq-zombylyqqa qatysty 146 qylmys tirkelgen. Bul kórsetkish ótken jyldyń sáıkes kezeńimen salystyrǵanda 27%-ǵa ósip otyr.

- Qazir tártip saqshylary óńir aýmaǵynda «Turmys» jedel aldyn alý sharasyn júrgizip, baqylaýdy kúsheıtip jatyr. Sonyń barysynda Óskemende 9 jasar qyzdyń ishkilikke salynǵan ata-anasymen birge qolaısyz jaǵdaıda turǵany anyqtaldy. Bala avtojýý ǵımaratynyń ekinshi qabatynda tirkeýsiz jáne adam turýǵa jaramaıtyn bólmede eresekterdiń qaraýynda bolǵan. Polıtsııa qyzmetkerleri ata-anasyn jaýapqa tartyp, arnaıy esepke qoıdy. Qyz ýaqytsha beıimdeý ortalyǵyna jiberilip, onda mamandardyń qajetti qoldaýyn alyp jatyr, - dep habarlady ShQO polıtsııa departamentinen.

Jalpy oblysta zardap shekken jandardy qoldaý úshin 65 tósek-oryndyq 4 daǵdarys ortalyǵy jáne 2 Otbasyn qoldaý ortalyǵy jumys isteıdi. Ótken aılarda bul jerlerge 2 900-den astam azamat júginip, 89 áıel men 50 balaǵa baspana berilgen.

Eske salsaq, osyǵan deıin Petropavlda otbasyna zorlyq-zombylyq kórsetip kelgen er adam qamaýǵa alynǵany habarlanǵan.