ShQO-da osy jyly 5 sport kesheni salynady

ÓSKEMEN. QazAqparat – Shyǵys Qazaqstan oblysynda bıyl 5 sport kesheni salynady, dep habarlaıdy QazAqparat tilshisi.

ShQO ákimdiginiń málimetine súıensek, Óskemende zamanaýı sporttyq-mádenı keshenniń qurylysy júrgizilmek. «Altaı Arena» dep atalatyn keshende basseın, eki murajaı jáne sport alańy bolady.

«Zamanaýı sporttyq-mádenı keshenniń qurylysyna 19-shy turǵyn úı shaǵynaýdanyndaǵy ýchaske belgilendi. Onda tarıhı-ólketaný jáne etnografııalyq murajaılar ornalasady. Al ortalyq arenada bir mezette bes myń kórermen sııady», - delingen aqparatta.

Aıta keteıik, bıyl óńir boıynsha 5 jańa sport kesheni boı kótermek.

Eske salsaq, osyǵan deıin Shyǵys Qazaqstan oblysynda bir jylda 38 sport nysany salynǵany habarlanǵan.