ShQO-da osy aıdyń basynan beri 150 dala órti sóndirildi
ÓSKEMEN. QazAqparat – Shyǵys Qazaqstan oblysynda sáýir aıynyń basynan beri 150 dala órti sóndirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńirde sáýir aıynda bastalǵan órt qaýpi joǵary kezeń 180 kúnge sozylady.
«Osy kezeńde orman jáne dala órtteriniń aldyn alý maqsatyndaǵy is-sharalar jospary bekitildi. Birlesken reıd júrgizý úshin azamattyq qorǵaý qyzmetkerlerinen mobıldi toptar quryldy. «Geosat» JShS-men termonúkteler boıynsha ǵaryshtan monıtorıng júrgizý úshin tıisti shart jasaldy. Búgingi tańda osyndaı baqylaýdyń kómegimen qutqarýshylar órttiń taralýyn ýaqtyly tejep úlgerdi», - delingen aqparatta.
Osy aı bastalǵaly beri aımaq boıynsha 150-ge jýyq dala órti shyqqan. TJD qyzmetkerleri kún saıyn 30 retke deıin qyzyl jalyndy sóndirýge shyǵady.
«Saıajaılardaǵy órttiń kópshiligi kóktem kezinde bolady. Úı ıeleri órt qaýipsizdigi erejelerin óreskel buzyp jatady. Ákimshilik quqyq buzýshylyq týraly Kodekstiń 336-babyna sáıkes osy talaptardy saqtamaǵan adamǵa 20 AEK mólsherinde aıyppul salynady», - deıdi departamenttiń memlekettik órt baqylaý basqarmasy bastyǵynyń orynbasary Nurjan Ómirjanov.
Esterińizge sala ketsek, osyǵan deıin ShQO-da órttiń aldyn alý úshin qutqarýshylardyń dron arqyly baqylaý jasap jatqanyn habarlaǵan edik.
