ShQO-da Óskemen-Almaty tas joly jabyldy, qar qursaýynda qalǵan 60 avtokólikti qutqarý jumystary júrgizilýde - TJM
ASTANA. Qańtardyń 23-i. QazAqparat - Shyǵys Qazaqstan oblysynda burqasynnyń saldarynan kórý múmkindiginiń shektelýine baılanysty respýblıkalyq mańyzdaǵy Óskemen-Almaty avtojoly jabyldy.
Jol boıynda qalyp qoıǵan 60 mashınany qar qursaýynan qutqarý jumystary júrgizilýde, dep habarlady QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimdeýinshe, aýa raıy jaǵdaıynyń nasharlaýy sebepti qańtardyń 22-si kúni saǵat 21.00-de uzyndyǵy 683 shaqyrymdy quraıtyn Óskemen-Almaty kúre jolynda kóliktiń barlyq túri úshin qozǵalystarǵa shekteý qoıylǵan.
«Qazirgi ýaqytta Aıagóz ýchaskisinde qar qursaýynda qalǵan 20 avtokólikti qutqarý jumystary júrgizilýde. Kólikter qalyp qoıǵan ýchaskiniń mańynda ashana men janarmaı quıý stansysy bar», - dep atap ótti baspasóz qyzmetinen.
Sondaı-aq Úrjar aýdanynda Taskesken-Baqty tas jolynyń Úrjar-Baqty bóliginde taǵy 40 avtokólik qar qursaýynda qalyp otyr. «Adamdar tolyǵymen Maqanshy aýylyna jetkizildi. Oblystyq mańyzdaǵy Kúrshim-Qaljyr-Aqbulaq-Qaroı-Ashaly barlyǵy 98 shaqyrym joldy qardan tazartý jumystary júrgizilýde.
