ShQO-da órtten kóz jumǵandardyń jartysy mas bolǵan
ÓSKEMEN. KAZINFORM — Shyǵys Qazaqstan oblysynda osy jyldyń basynan beri jer úılerde órt qaýipsizdigi erejeleriniń buzylýy saldarynan 121 ret ot shyǵyp, 12 adam qaza boldy.
ShQO tótenshe jaǵdaılar departamenti baspasóz qyzmetiniń málimetine súıensek, oblys turǵyndarynyń arasynda úıde órt qaýipsizdigi erejelerin saqtamaıtyndar az emes.
Sonyń saldarynan jyl basynan beri 121 órt shyǵyp, 12 adam kóz jumdy.
Marqumdardyń 50% mas bolǵan. Bul qaıǵyly jaǵdaılar otty abaısyz qoldanýdan, sonyń ishinde úı ishinde temeki shegýdiń saldarynan tirkeldi.
«Órtterdiń 42%-y peshti jylytý kezinde qaýipsizdik talaptaryn saqtamaýdan, al 31%-y elektr aspaptary men elektr jabdyqtaryn montajdaý jáne paıdalanýda órt qaýipsizdigi erejelerin buzýdan boldy. Sońǵy oqıǵa 28 naýryzda Jańa Buqtyrma kentindegi 5-qabattaǵy páterde tirkelgen. Oqıǵa ornynan 46 jastaǵy páter ıesiniń denesi tabyldy. Kelgen órt sóndirýshiler tútin aımaǵynan 14 adamdy, onyń ishinde 3 balany evakýatsııalady» delingen aqparatta.
Departamenttiń memlekettik órt baqylaý basqarmasynyń bastyǵy Nurjan Ómirjanovtyń aıtýynsha, jeke turǵyn úı sektoryna reıdter júrgizý kezinde mamandar únemi buzýshylyqtardy anyqtaıdy.
«Onyń ishinde kóbinese pesh murjasyn ýaqtyly tazalamaý, peshter men elektr symdarynyń múshkil jaǵdaıy tirkeledi. Azamattardan óz qaýipsizdigi maqsatynda órt pen ólimge ákelýi múmkin buzýshylyqtardy ýaqtyly joıýdy suraımyz», -dedi ol.
