ShQO-da órtten er adam mert boldy
ASTANA. QazAqparat - Shyǵys Qazaqstan oblysy Glýbokoe aýdanynyń Stepnoe aýylynda órt oqıǵasy tirkelip, onyń saldarynan 31 jastaǵy er adam kóz jumdy, dep habarlaıdy «QazAqparat» HAA tilshisi.
ShQO TJD baspasóz qyzmetiniń habarlaýynsha, órt oqıǵasy senbiden jeksenbige qaraǵan túni tirkelgen. Tútindi baıqaǵan kórshileri birden órt sóndirýshilerdi shaqyrǵan. Eń jaqyn órt sóndirý bólimi atalǵan aýyldan 6 shaqyrym jerde ornalasqan.
«Órtengen úıge jetken órt sóndirýshiler birden iske kiristi. Alyp bara jatqan órt te joq edi. Jalynnyń barynsha kórshi úıdi sharpyp ketpeýin qamtamasyz ettik. Órt shyqqan úıden 31 jastaǵy jigittiń denesi tabyldy. Ol osy úıdi jaldap turyp jatqan», - deıdi aýdandyq №1 órt sóndirý bólimi bastyǵynyń orynbasary Rýslan Ábdihalyqov.
Boljam boıynsha, er adam úıden shyǵyp ketýge tyrysqanymen, aşy tútindi kóp jutyp qoıǵandyqtan, shyǵa almaı qalǵan.
«Órt 100 sharshy metr aýmaqty qurady. Ottyń shyǵýyna temeki shegý kezindegi abaısyzdyq sebep bolýy múmkin. Kóp jaǵdaıda osyndaı abaısyzdyq adamdardyń ómirin qıyp jatady», - dedi baspasóz ókili.
