ShQO-da órtten adam qaza tapty
ÓSKEMEN. QazAqparat - Shyǵys Qazaqstannyń Zyrıan qalasynda kópqabatty úıden órt shyǵyp, 1956 jylǵy áıel adam kóz jumdy, dep habarlaıdy QazAqparat tilshisi.
4 qabatty úıdiń ekinshi qabatynan shyqqan órtti áýeli kórshileri baıqap, órt sóndirý qyzmetin shaqyrǵan. Otqa oranǵan páterge órt sóndirýshiler terezeden túsip, áıel adamnyń denesin syrtqa alyp shyqty. Órt 20 mınýt ishinde aýyzdyqtaldy.
Al Kókpekti aýdanyna qarasty Samar aýylynda jer úı órtenip, 1986 jylǵy áıel 2011 jylǵy balasymen birge qutqaryldy.
«Áıel 2 dárejeli, bala 3 dárejeli kúıik alǵan. Qazir olar aýdanaralyq aýrýhanada jatyr. Órtti tolyq sóndirýge 4 saǵat ýaqyt ketti» - delingen oblystyq tótenshe jaǵdaılar departamenti taratqan aqparatta.
Qyzyl jalyn munda 200 sharshy metr aýmaqty sharpyǵan. Osylaısha, bir táýliktiń ishinde tilsiz jaýdyń kesirinen bir adam kóz jumyp, eki adam aýrýhanaǵa tústi.
