ShQO-da órtke qarsy aıaldama paıda boldy
ÓSKEMEN. QazAqparat – Shemonaıha qalasynda erekshe aıaldama paıda boldy. Endi jolaýshylar qoǵamdyq kólik kútip turǵanda órt qaýipsizdigi erejelerin oqı alady, dep habarlaıdy QazAqparat ShQO Tótenshe jaǵdaılar departamentine silteme jasap.
Mundaı profılaktıkalyq nysandy ashý bastamasyn jergilikti TJ bóliminiń qutqarýshylary kótergen.
«Óńirimizde azamattardy oqytý jáne órt qaýpi kezeńinde tilsiz jaýǵa jol bermeý úshin erekshe ádisti qoldandyq. Qazirgi zamanda adamdar árdaıym asyǵys júredi, olardyń ýaqyty joq, al avtobýsty kútip turǵan kezde 10-15 mınýt ýaqyt bolsa, qutqarýshylardyń usynymdaryna nazar aýdarýǵa bolady», - dep atap ótti Shemonaıha qalasy TJB bastyǵy Arman Naýryzbaev.
Sonymen birge, aıaldamada qutqarýshy mamandyǵyn qalaı jáne qaıdan alýǵa bolatyny, tótenshe jaǵdaılarda qalaı áreket etý keregi jazylǵan.
«Bul aıaldama bizge, ıaǵnı turǵyndarǵa jasalǵan jáne aýdan ortalyǵynda ornalasqan. Bul jerde adamdar kóp júredi. Biz jańalyqty qýana qabyldadyq jáne erejelerdi oqyp-biletin bolamyz», - deıdi Shemonaıha qalasynyń turǵyny Aınur Smaǵulova.
