ShQO-da órtengen jer úıden áıel adamnyń denesi tabyldy
ÓSKEMEN. KAZINFORM — Shyǵys Qazaqstan oblysynda qutqarýshylar órtengen jer úıden áıel adamnyń máıitin tapty.
ShQO Tótenshe jaǵdaılar departamentiniń málimetine súıensek, órt Glýbokoe aýdany Glýbokoe kentindegi jer úıde shyqqan.
— Ot úıdiń shatyry men kireberisin sharpydy. Sondaı-aq dalada turǵan eki kólikke de jaıylǵan. Habar túse salysymen qutqarýshylar sol jerge shuǵyl kelip jetti, — delingen aqparatta.
Úı ishine kirgen TJD qyzmetkerleri edende jatqan áıel adamnyń denesin tapty. Onyń ólimine naqty ne sebep bolǵany saraptama nátıjesinen keıin ǵana belgili bolady.
Kóp uzamaı órt sóndirýshiler qyzyl jalyndy tolyqtaı aýyzdyqtady. Aldyn ala derek boıynsha órttiń shyǵýyna otty abaısyz paıdalaný sebep bolǵan.
Eske salsaq, osyǵan deıin Arqalyqta mekteptiń shatyry órtengeni habarlanǵan.
