ShQO-da órtengen úıdiń turǵyny arqannyń kómegimen qutqaryldy
ÓSKEMEN. QazAqparat - Shyǵys Qazaqstannyń Borodýlıha aýdanynda kópqabatty úıden órt shyǵyp, 8 adam qutqaryldy, dep habarlaıdy QazAqparat tilshisi.
Órt tórtinshi qabatta tutanǵandyqtan, ústińgi qabattaǵy turǵyndar syrtqa shyǵa almaı qalǵan. 47 jastaǵy 3 top múgedegi jalyndy óz betimen óshirmek bolyp, kóp ýaqyt joǵaltqan. Kórshileri kómekteskenshe óziniń ómiri qyl ústinde bolǵan.
«Besinshi qabatta qalǵan áıelder balkonǵa shyǵyp aıqaılap jatty. Olardyń úshaıaqty baspaldaqtyń kómegimen túsirdik. Ózdiginen júre almaıtyn bir áıeldi arqanmen baılap túsirýge týra keldi. Eki balany kórpege orap alyp shyqtyq» - deıdi №52 órt sóndirý bóliminiń bastyǵy Qaırat Tóleýǵazın.
Órt saldarynan 16 sharshy metr aýmaq otqa orandy.
