ShQO-da órtengen úıden qarııanyń denesi tabyldy
ÓSKEMEN. QazAqparat - Zyrıan aýdanynyń Zýbov kentinde turatyn qarııa órtten kóz jumdy, dep habarlaıdy QazAqparat tilshisi.
Tilsiz jaý tún ortasynda tutanǵan. Qyzyl jalyndy kórshileri baıqap, tótenshe jaǵdaı ókilderin shaqyrǵan.
«Órt sóndirýshiler qyzyl jalyn sharpyǵan úıge engende 1931 jyly týǵan qarııanyń denesin taýyp aldy. Jalynmen arpalys 2,5 saǵatqa sozyldy» - delingen oblystyq tótenshe jaǵdaılar departamentiniń baspasóz qyzmeti taratqan aqparatta.
Órttiń shyǵýyna otpen abaısyzdyq sebep bolǵan degen boljam bar.
