ShQO-da órtengen úıden eki adamnyń máıiti tabyldy
NUR-SULTAN. QazAqparat - Shyǵys Qazaqstan oblysynda jekemenshik úı órtenip, eki adamnyń máıiti tabyldy, dep habarlaıdy QazAqparat.
«28 sáýir kúni ShQO Shemonaıha aýdanynyń Polovınka aýylynda jeke úıdiń 80 sharshy metr aýmaǵy órtendi. Órt bólimsheleri tilsiz jaýdy saǵat 9:31-de toqtatty jáne 12:28-de tolyq sóndirdi», - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.
Jalyndy sóndirýge ShQO TJ departamentiniń jeke quramynan 12 adam men 3 tehnıkasy jiberilgen.
«Órt qaldyqtaryn teksere kele, úı ornynan 1949 jylǵy er adam men 1986 jylǵy áıeldiń máıiti tabyldy», - delingen habarlamada.
