ShQO-da órtengen úıden 31 jastaǵy áıeldiń denesi tabyldy

ÓSKEMEN. KAZINFORM - Shyǵys Qazaqstan oblysynda otqa oranǵan úıden 31 jastaǵy áıeldiń denesi tabyldy.

Oblystyq Tótenshe jaǵdaılar departamenti baspasóz qyzmetiniń málimetine súıensek, oqıǵa 14 qańtar kúni Glýbokoe aýdany Beloýsovka kentinde bolǵan.

«Pýshkın kóshesinde ornalasqan jer úıdey órt shyqty. Bólmelerdiń birinde jıhaz, turmystyq tehnıka men zattar janǵan. Tilsiz jaý sharpyǵan jalpy aýdan 16 sharshy metrdi qurady. Barlaý barysynda qutqarýshylar dálizden 31 jastaǵy áıel adamnyń denesin tapty», - delingen aqparatta.

Kóp uzamaı jalyn tolyqtaı aýyzdyqtaldy. Aldyn ala derek boıynsha ottyń shyǵýyna – tósekte jatyp temeki shegý sebep bolǵan.