ShQO-da órtengen úıden 2 sábıdiń máıiti tabyldy
ÓSKEMEN. QazAqparat - Shyǵys Qazaqstannyń Ulan aýdanynda órtengen úıden eki balanyń denesi tabyldy, dep habarlaıdy QazAqparat tilshisi.
Oqıǵa tús kezinde bolǵan. Kamenka aýylynyń Stýdentter kóshesinde órt shyqqan. Qyzyl jalyn úıdiń aǵash edeni men esik-terezelerdi, jıhazdar men kıim-keshekti sharpyǵan. Kómekke umtylǵan kórshiler jatyn bólmeniń bir buryshynan 3 jasar qyz ben 1,5 jasar balanyń óli denesin taýyp alǵan. 38 shaqyrym jerden órt sóndirýshiler jetken kezde ot úıdi túgel sharpyp úlgerse kerek. Tilsiz jaý 1,5 saǵattan keıin ǵana aýyzdyqtalypty.
Órtke balalardyń abaısyz oıyny sebep boldy degen boljam bar.
«Bul bala shalaǵaılyǵynyń kesirinen adam ólimine ákep soqtyrǵan jalǵyz oqıǵa. Jyl basynan beri balalar órtke sebepker boldy. Soǵan qaramastan ata-analar balalaryn úıde qaraýsyz qaldyrýyn qoıar emes» - deid oblystyq tótenshe jaǵdaılar departamentiniń baspasóz qyzmet basshysy Anastasııa Sklıar.
