ShQO-da órtengen pátergen 87 jastaǵy qarııa qutqaryldy
ÓSKEMEN. QazAqparat – Shyǵys Qazaqstan oblysy Altaı qalasynda órtengen pátergen 87 jastaǵy qarııa qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, órt sóndirýshilerge Bocharnıkov kóshesinde ornalasqan 5 qabatty turǵyn úıdegi páterlerdiń birinde órt shyqqany týraly habar tústi.
«Birinshi qabattaǵy páterdegi tútindi kórshileri baıqap qalǵan. Birneshe mınýt ishinde sol jerge úı ıesiniń nemeresi Maksım Holşevnıkov kelip, esikti kiltpen ashty. Kók tútin tumshalaǵan páterge kirip, 87 jastaǵy atasyn baspaldaqqa shyǵardy. Osy sátte qutqarýshylar kelip, zardap shegýshini jedel járdem dárigerlerine jetkizdi», - delingen aqparatta.
Sondaı-aq qaýipsizdik maqsatynda 5 turǵyn evakýatsııalanǵan. Kóp uzamaı órt sóndirýshiler jalpy aýdany 1,5 sharshy metrdi quraǵan qyzyl jalyndy tolyqtaı aýyzdyqtady.
Qarııanyń qoly men basy kúıip qaldy. Ottyń shyǵý sebebi - elektrli jylytqyshtyń qysqa tuıyqtalýynan bolǵan.
