ShQO-da Ortalyq Azııadaǵy eń úlken taý shańǵysy kýrorty salynady

ÓSKEMEN. QazAqparat – Shyǵys Qazaqstan oblysyndaǵy Rıdder qalasynda Ortalyq Azııadaǵy eń úlken taý shańǵysy kýrorty salynady, dep habarlaıdy QazAqparat tilshisi. Rıdderde belsendi qysqy demalysty jaqsy kóretinder úshin «Anataý» atty jańa demalys orny boı kótermek.

«Shańǵyshylarǵa taýǵa kóterilip, syrǵanaý úshin barlyq jaǵdaı jasalady. Demalys ornynyń ınfraqurylymy memleket bıýdjeti esebinen júrgizilse, meıramhanalar, demalys bazalary, qonaqúıler men oıyn-saýyq nysandary ınvestorlar qarajatyna salynady», - deıdi qala ákimi Dmıtrıı Gorkovoı.

Onyń aıtýynsha, taý shańǵysy kýrortynyń jobasyn ázirleý aldaǵy aılarda bastalady.

«Dál osyndaı iri kýrorttardy jobalaýǵa mamandanǵan jobalaýshylardy taptyq. Sáýirde olar Almatydan Rıdderge keledi. Sonda biz jobanyń barlyq egjeı-tegjeıin talqylaımyz. Jobany iske asyrǵannan keıin bul Ortalyq Azııadaǵy eń iri taý shańǵysy kýrorty bolmaq. Nátıjesinde, óńirimizge qosymsha ınvestıtsııa tartylyp, elimizdegi, jaqyn jáne alys sheteldegi týrıster osynda aǵylady dep senemiz», - deıdi shahar basshysy.