ShQO-da órt sóndirýshiler úsh kúnnen beri dala órtimen arpalysýda
ÓSKEMEN. QazAqparat - Shyǵys Qazaqstan oblysynyń qutqarýshylary úshinshi táýlik qatarynan daladaǵy órtpen kúresýde. Ulan, Aıagóz, Jarma jáne Kúrshim aýdandarynda dala otqa oranǵan, dep habarlaıdy «QazAqparat» HAA tilshisi.
Oblys aýmaǵynda birneshe kún boıy qyryq gradýstyq aptap ystyq bolýda. TJ departamenti habarlaǵandaı, órttiń shyǵý oshaǵy birden birneshe aýdanda tirkelgen. Qazirgi tańda memlekettik órt sóndirý qyzmetiniń kúshi men tehnıkalary 8 ýchaskede jumys isteýde. Qazirgi ýaqytta eldi mekenderge eshqandaı qaýip tónip turǵan joq.
Órtti aýyzdyqtaýǵa 10 órt sóndirý mashınasy tartylyp, jeke quramnyń 60 adamy jumyldyryldy.
