ShQO-da órt sóndirýshiler gaz ballonyn jarylýdan saqtap qaldy
ÓSKEMEN. QazAqparat - Búgin túngi úshte Shar qalasyndaǵy Amangeldi kóshesinde ornalasqan úıde órt tutanyp, órt sóndirýshiler gaz ballonyn jarylýdan saqtap qaldy, dep habarlaıdy «QazAqparat» HAA ShQO TJD-ne silteme jasap.
«Úıde eshkim bolmaǵan, órt tutanǵany týraly habardy kórshisi jetkizdi. Órt sóndirýshiler shuǵyl jetkende jalyn úıdiń shatyryn sharpyǵan edi. Jigitter birden úıdiń ishine enip, ashanadan gaz ballonyn tapty. Ony lezde syrtqa shyǵaryp, artynsha órtti tolyǵymen sóndirdi. Órtten úıdiń tek shatyryna zalal keldi. Qurbandar men zardap shekkender joq», - deıdi tótenshe jaǵdaı departamentindegiler.
Jalyn 80 sharshy metr aýdandy sharpyǵan. Oqys oqıǵaǵa elektr prıborlary nemese jylý peshterin paıdalanýda órt qaýipsizdigi erejeleriniń saqtalmaýy sebep bolýy múmkin.
