ShQO-da órt sóndirýshi 4 balany qutqardy
ÓSKEMEN. QazAqparat - Shyǵys Qazaqstan oblysynda órt sóndirýshi 4 balany qutqaryp qaldy, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, Abaı aýdanynda órt sóndirý kóliginiń júrgizýshisi Nurbol Bekshoınov profılaktıkalyq maqsatta turǵyn úılerdi aralap júrgende Moldaǵalıev kóshesindegi jer úıdiń aýmaǵynan tútindi kórip, birden kómekke umtyldy. Anyqtalǵandaı, órt pesh turǵan japsyra salynǵan úıde shyqqan.
Úıde 2008, 2010, 2013, 2015 jyldary týǵan 4 qyz bolǵan. Nurbol Bekshoınov lezde órt sóndirýshilerdi shaqyryp, balalardy syrtqa alyp shyqty. Kóp uzamaı kelip jetken órt sóndirýshiler jalpy aýdany 2 sharshy metrdi quraǵan tilsiz jaýdy aýyzdyqtady. Jalynnyń shyǵýyna peshti paıdalaný kezinde órt qaýipsizdigi talaptarynyń saqtalmaýy sebep boldy», - dep habarlady ShQO TJD.
Osy rette qutqarýshylar ata-analarǵa balalardy qaraýsyz qaldyrmaı, órt qaýipsizdigi talaptaryn qatań saqtaý qajettigin eske salady.
