ShQO-da órt shyqqan úıden 5 jasar bala qutqarylyp, 8 adam evakýatsııalandy
ÓSKEMEN. QazAqparat – Shyǵys Qazaqstan oblysy Borodýlıha aýdanynda órt shyqqan kópqabatty turǵyn úıden 5 jasar bala qutqarylyp, 8 adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Jezkent kentindegi 5 qabatty turǵyn úıdiń birinshi qabatynda ornalasqan páterde órt shyqqan. Oqıǵa ornyna órt sóndirýshiler shuǵyl kelip jetti. Eń áýeli olar tútin tumshalaǵan podezden turǵyndardy evakýatsııalaýǵa kiristi. Barlyǵy 9 adam qaýipsiz jerge kóshirilgen. Sondaı-aq órt sóndirýshiler ekinshi qabattan bes jasar balany qutqardy.
«Belgili bolǵandaı, páterde jıhazdar men jeke zattardy qyzyl jalyn sharpyǵan. Tilsiz jaýdyń jalpy aýdany 13 sharshy metrdi qurady. Órtten zardap shekken eshkim joq», - dep habarlady vedomstvo ókilderi.
Aldyn ala málimet boıynsha ottyń shyǵýyna - elektr jabdyqtaryn montajdaý jáne paıdalaný kezinde órt qaýipsizdigi erejelerin saqtamaý sebep bolǵan.
