ShQO-da órt saldarynan 4 otbasy baspanasyz qaldy
ÓSKEMEN. QazAqparat – Shyǵys Qazaqstan oblysynyń Altaı aýdanynda barak tıptes úıler órtenip, 4 otbasy baspanasyz qaldy, dep habarlaıdy QazAqparat.
Aýdandyq Tótenshe jaǵdaılar bóliminiń málimetine súıensek, oqıǵa Maıak aýylynda bolǵan.
«Órt sóndirýshiler kelip jetkenshe tilsiz jaý tórt úıdi sharpyp úlgergen. Qyzyl jalyn taraǵan aýmaq 250 sharshy metrdi qurady. 12 adam, onyń ishinde 3 bala qaýipsiz jerge kóshirildi. Zardap shekkender joq», - dep habarlady vedomstvo ókilderi.
Qazirgi ýaqytta órttiń shyǵý sebepteri anyqtalýda.
