ShQO-da órt oshaqtaryn jyldam anyqtap otyrý úshin drondar iske qosylmaq
ShQO ákimdiginde ótken jınalysta óńirdegi shaǵyn avıatsııany damytý múmkindikteri talqylandy. Oblys ákimi Ermek Kósherbaevtyń aıtýynsha, Shyǵys Qazaqstandy shaǵyn avıatsııa ortalyǵy atandyrý úshin barlyq múmkindik bar.
«Shalǵaı aýdandarǵa áýe reısterin qalpyna keltirip, aýyl, orman sharýashylyqtarynda, medıtsınada, túrli izdestirý-qutqarý operatsııalarynda jáne tótenshe jaǵdaılarda ushqyshsyz ushý apparattaryn paıdalanýymyz qajet. Ásirese alyq sharýashylyǵynda drondardy paıdalaný óte tıimdi bolady. Olardy shegirtkelermen kúresýde, pestıtsıdtermen emdeýde, aerofototúsirilimde, gıdroqurylystardyń monıtorınginde qoldaný kerek. Sondaı-aq bul órt oshaqtaryn anyqtap otyrýda taptyrmas qural. Tehnologııa sońǵy 10 jylda ilgerilep ketti. Biz de zaman aǵymymen birge júrip otyrýǵa tıispiz», – deıdi aımaq basshysy.
Osyndaı jobanyń tujyrymdamasy men josparyn ázirleý úshin Óskemenge «Qazaqstan ınjınırıng UK» AQ mamandary shaqyryldy.