ShQO-da órt órship tur: Qutqarýshylar arnaıy taldaý jasady
ÓSKEMEN. QazAqparat – Shyǵys Qazaqstan oblysynyń qutqarýshylary óńirde bolǵan órtterge taldaý jasap, aptanyń qaı kúninde jıi órt bolatyndyǵyn anyqtady, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar óńirde bolǵan órtterge taldaý jasaǵan. Sonyń nátıjesinde, órttiń juma kúni jıi shyǵatyndyǵy belgili boldy.
«Jyl basynan beri bul kúnde 14 oqıǵa tirkelip otyr. Al aptanyń basqa kúnderinde 2-5 retten jalyn shyqqan. Ádette, bul kúnde halyqtyń deni jumys kúnderin aıaqtap, saıajaılar men tabıǵat aıasynda tynyǵýǵa asyǵady. Kóp jaǵdaıda olar otty paıdalaný kezinde abaısyzdyq tanytady», - dep habarlady vedomstvo ókilderi.
Jaǵdaıdy turaqtandyrý úshin qutqarýshylar demalys kúnderi profılaktıkalyq reıdterge shyǵýda. Jazǵy kezeńde bul saıajaı alqaptary men orman aımaǵyna, jylytý kezeńinde – turǵyn úı sektoryna qatysty.Jyl basynan beri saıajaılar men ormandardy 253 000 ret aralap shyqty.Sondaı-aq jurtshylyqqa órt qaýipsizdigi erejelerin saqtaý qajettigi týraly túsindirý jumystary júrgizilýde.
