ShQO-da órt kezinde 70 jýyq adam evakýatsııalandy

ÓSKEMEN. KAZINFORM – Óskemen qalasynda Tımırıazev kóshesindegi 4 qabatty jataqhana ǵımaratynda órt shyqty. Birinshi qabattaǵy bólmede 5 sharshy metr alańda jıhaz jandy. Bul týraly TJM málim etti.

— Órt sóndirýshiler qyzyl jalyndy tez arada óshirdi. Qalyń tútinniń saldarynan joǵarǵy qabattardan qaýipsizdik maqsatynda qutqarýshylar 68 turǵyndy, onyń ishinde 19 balany evakýatsııalady. TJM apattar medıtsınasy ortalyǵynyń dárigerleri azamattardy tekserip, qajetti alǵashqy kómek kórsetti, — delingen habarlamada.

Eske sala keteıik, buǵan deıin Astanada avtokólik bólshekteri saqtalǵan angarda bolǵan joǵary deńgeıli órt sóndirilgenin jazǵan bolatynbyz.