ShQO-da órt bolyp, 33 adam kóshirildi
ÓSKEMEN. QazAqparat - Keshe keshke Semeı qalasynda bes qabatty úıdiń úshinshi qabatyndaǵy elektr qalqanynan órt shyqty. Zardap shekkender men qurbandar joq.
Órtti sóndirý kezinde 9 adam kóshirildi, onyń ekeýi balalar. Órtti jarty saǵattan keıin «Órt sóndirý jáne apatty qutqarý jumystary
qyzmeti» memlekettik mekemesi (10 adam men 3 tehnıka) sóndirdi. Boljam boıynsha, elektr jabdyqtaryn ornatý jáne paıdalaný
kezinde órt qaýipsizdigi erejeleriniń saqtalmaýynan órt shyǵýy múmkin.
Sol kúni Óskemen qalasyndaǵy 10 qabatty úıdiń eń joǵarǵy qabatynda órt shyǵyp, 24 adam kóshirildi, onyń 18-i balalar. Órt aýmaǵy
8 sharshy metrdi quraǵan.
Bir saǵattan keıin órt sóndirildi. Ony sóndirýge 26 órt sóndirýshi jumyldyryldy. Órttiń sebebi, shyǵyny jáne kináli adamdar anyqtalyp jatyr, dep habarlady ShQO TJ departamenti.
