ShQO-da órt áıeldiń ómirin qıyp ketti
ÓSKEMEN. QazAqparat - Búgin túnde Glýboke aýdanynyń Prapoşıkov aýylynda aǵash úı órtenip, saldarynan áıel adam kóz jumdy, dep habarlaıdy QazAqparat tilshisi.
Úıdiń janyp jatqanyn kórshileri kesh baıqaǵan. Oqıǵa ornyna órt sóndirýshiler jetkenshe gaz ballony jarylyp ketken. Saldarynan úı túgel otqa oranyp, aýladaǵy ózge qurylystarǵa da tarap úlgergen.
«Órt sóndirýshiler aýyzǵy úıden 1955 jylǵy áıel adamnyń máıitin tapty. Otty aýyzdyqtaýǵa 1 saǵat ýaqyt ketti. Úıdiń ǵımaraty jartylaı qulap qaldy. Órt 200 sharshy metr aýmaqty qamtyǵan. Qaıǵyly oqıǵaǵa otpen abaısyzdyq sebep bolǵan degen boljam bar. Elektr qurylǵysyn ornatý kezinde qaýipsizdik erejeleri saqtalmaýy da múmkin. Eki nusqa boıynsha da tekserý júrip jatyr», - delingen oblystyq tótenshe jaǵdaılar departamenti taratqan aqparatta.
Illıýstratsııalyq foto
