ShQO-da ormanda joǵalyp ketken er adamnyń denesi tabyldy
ÓSKEMEN. QazAqparat – Shyǵys Qazaqstan oblysy Rıdder qalasynyń irgesindegi ormanda joǵalyp ketken er adamnyń denesi tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 23 shildede ormanǵa sańyraýqulaq terý úshin bet alǵan zeınetker habar-osharsyz ketken.
Kelesi kúni polıtsııaǵa onyń tanysy habarlasqan. Tártip saqshylary birden jedel-izdestirý jumystaryna kiristi. Sondaı-aq olarǵa eriktiler men qala turǵyndary kómektesti.
«Joǵalǵan adamnyń denesi tórt kúnnen keıin tabyldy. Qazir ólimniń sebebin anyqtaý úshin sot-medıtsınalyq saraptama júrgizilýde. Oqıǵanyń mán-jaıy tek sodan keıin belgili bolady», - delingen aqparatta.
