ShQO-da ormanda jaı túsip, 8 jerde órt shyqty
ÓSKEMEN. QazAqparat – Shyǵys Qazaqstan oblysynda naızaǵaı saldarynan ormandarda órt shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, naızaǵaı saldarynan keshe Borodýlıha aýdanynda 1,13 gektar aýmaqty qamtyǵan 8 órt oqıǵasy tirkelgen.
«Qyzyl jalyn eń aldymen saǵat 10.46 kezinde Ýspensk orman sharýashylyǵynda tutandy. Ormanshylardyń jan-jaqty kúsh salýymen 0,01 gektar aýmaqtaǵy órt sóndirildi. Al qalǵan jerlerde tilsiz jaý ár túrli ýaqyttarda shyqqan. Onyń ishinde Jernov orman sharýashylyǵynda – 4, Ortalyq orman sharýashylyǵynda – 3, Ýspensk orman sharýashylyǵynda 2 órt tirkeldi. Tilsiz jaýmen ormanshylar kúresip, olarǵa der kezinde Borodýlıha aýdanyndaǵy №47 órt sóndirý bóliminiń qyzmetkerleri kómekke kelgen. Órtti aýyzdyqtaýǵa 68 adam men 20 birlik tehnıka jumyldyryldy», – delingen habarlamada.
Aıta keteıik, dál osyndaı órt oqıǵasy Besqaraǵaı aýdanynyń 5 aýmaǵynda: Aqkól, Ramazan, Dóńgelek, Podgorodnyı jáne Ramodanovskoe orman sharýashylyqtarynda da oryn alǵan. Jalynmen kúreske jeke quramnan 54 adam jáne 18 birlik tehnıka jumyldyryldy.
