ShQO-da ormanda adasyp ketken 2 adam tabyldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda túnde ormanda adasyp ketken 2 adamǵa qutqarýshylar kómekke keldi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, er adamdar 7 qyrkúıekte túnde Topıha aýylynan 5 shaqyrym jerdegi Úlbi ózeniniń jaǵasyna serýendep júrgen. Sol jerge kólikterimen kelgen olar orman ishinde adasyp qaldy. Qaıtar joldy tabamyz dep 2 shaqyrymdaı arly-berli kezgen ekeýi qutqarýshylardyń kómegine júginýge májbúr boldy.
«Oqıǵa ornyna kóp uzamaı jedel qutqarý jasaǵynyń qyzmetkerleri «Hıt» laqap atty ıtpen keldi. Іzdestirý sharalaryn júrgizip, adasyp ketken jigitterdiń kólikterin tapty. Osylaısha, 1989 jáne 1991 jylǵy azamattardyń izderine túsken qutqarýshylar týrısterdiń naqty ornalasqan jerin anyqtaǵan», - dep habarlady vedomstvo ókilderi.
Adasqandarǵa medıtsınalyq kómek qajet bolmady. Óz kezeginde olar kómekke kelgen TJD qyzmetkerlerine alǵys bildirdi.
