ShQO-da orman órtiniń aldyn alý úshin 370-ten astam reıd júrgizildi
ShQO-da orman órtiniń aldyn alý úshin 370-ten astam reıd júrgizildi
ShQO tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda orman órtiniń aldyn alý úshin 46 mobıldi top qurylǵan.
«Onyń quramyna TJD qyzmetkerleri, ormanshylar, polıtseıler jáne jergilikti atqarýshy organ ókilderi engen. Olar ásirese ormandy jerlerde monıtorıng júrgizýde. Osy ýaqytqa deıin 370-ten astam reıd júrgizildi. Sonyń nátıjesinde, órt qaýipsizdigin buzǵan 41 adam anyqtalyp, ákimshilik jaýapkershilikke tartyldy», - delingen aqparatta.
Órt qaýpi joǵary kezeń bastalǵanǵa deıin departament mamandary men ormanshylar halyqpen, aýyl ákimderimen, aýyl sharýashylyǵy óndirýshilerimen 1338 kezdesý ótkizdi. Shópti órteýge jol bermeý, dalada órt qaýipsizdigi erejelerin, onyń ishinde ormandarda buzýdyń qanshalyqty qaýipti ekendigi týraly jan-jaqty túsindirildi.
Eske salsaq, osyǵan deıin Katonqaraǵaı aýdanyndaǵy orman órti tolyqtaı sóndirilgeni habarlanǵan.
