ShQO-da orman órtimen 70-ten astam adam arpalysyp jatyr
ÓSKEMEN. QazAqparat - Shyǵys Qazaqstannyń Ulan aýdanynda naızaǵaıdan tutanǵan órtti ormanshylar men órt sóndirýshiler eki jaqtap óshirýde, dep habarlaıdy QazAqparat tilshisi.
Keshe tústen keıin tutanǵan órt kúnniń jańbyrly bolýyna qaramastan sóner emes. Ony aýyzdyqtaýǵa Prımorsk orman sharýashylyǵy men «Qazáýe orman kúzeti» mekemesiniń 60 qyzmetkeri jumyldyryldy. Olarǵa Ulan aýdanynyń órt sóndrýshileri de kómektesýde.
«Órt toqtamaǵan soń Óskemenniń árbir bólimshesinen 5 adamnan aldyrdyq. Órt sóndirýshilerge aýmaqty taý-tasty bolýy úlken kedergi keltirip tur. Tehnıka tabany tımeıtin bolǵandyqtan, bilek kúshine júginýge májbúrmiz», - deıdi Mereı «Órt sóndirý jáne apattyq-qutqarý « qyzmetiniń ókili Mereı Sháriphanov.
Qazirdiń ózinde otqa oranǵan aýmaq 28 gektardan asty. Degenmen tótenshe jaǵdaı mamandary mańaıdaǵy aýyldarǵa órt qaýpi joqtyǵyn aıtady.
