ShQO-da orman órti tyıylmaı tur
ÓSKEMEN. QazAqparat - Shyǵys Qazaqstanda jyl basynan beri 95 orman órti tirkeldi, dep habarlaıdy QazAqparat Habar24.kz saıtyna silteme jasap.
Jalpy 300 gektardan astam jasyl alqapty ot jalmaǵan. Onyń ishinde Semeıdegi qaraǵaıly orman órtiniń zııany aýqymdy. Mamyrdyń sońyna qaraı órshelengen tilsiz jaý jasyl jelektiń 260 gektar aýmaǵyn lezde sharpyp, 78 mıllıon teńge shyǵyn keltirdi. Orman órti óńirde áli de seıilgen joq.
Taıaýda ǵana Óskemenniń irgesindegi Ulan aýdanynda jaı túsip, qylqan japyraqty ormannyń 30 gektarǵa jýyq aýmaǵy janyp ketti.
«Orman órtiniń shyǵýyna kóp jaǵdaıda naızaǵaıdyń túsýi sebep bolyp jatyr. Osy jaqynda bolǵan Ulan aýdanyndaǵy órt te sodan shyqty. Qazir ol jerde tilsiz jaý aýyzdyqtaldy. Degenmen, ormanshylar kezekshilik quryp, jaǵdaıdy baqylap otyr»,-dedi oblystyq
TJD baspasóz hatshysy Anastasııa Sklıar.
