ShQO-da orman órti aýyzdyqtaldy

ÓSKEMEN. KAZINFORM – 20 maýsym kúni Shyǵys Qazaqstan oblysy, Ulan aýdanynyń Sınegor orman sharýashylyǵy aýmaǵynda bastalǵan orman órti jedel túrde sóndirildi, dep habarlady Kazinform agenttiginiń tilshisi.

Alǵabas aýyly mańyndaǵy orman alqabynan shyqqan tútindi kúndiz baıqaǵan. Oqıǵa ornyna dereý orman kúzeti men Tótenshe jaǵdaılar departamentiniń bólimsheleri attandy. Órt sóndirýge:

• 20 orman sharýashylyǵy qyzmetkeri,

• 5 tehnıka,

• 7 qutqarýshy (órt sóndirý tehnıkasy, dron jáne spýtnıktik baılanys quraldarymen) jumyldyryldy.

Qıyn relef pen órt oshaǵynyń qol jetimsiz bolýyna baılanysty, Óskemen qalasynan qosymsha 12 adamdyq top jiberildi.

Sondaı-aq, Mı-8 tikushaǵy tartylyp, 8 márte sý shashyp, órttiń negizgi oshaǵyn joıýǵa kómektesti.

Órt oshaǵy tańǵy ýaqytta, shamamen 0,25 gektar aýmaqta, oqshaýlanyp, saǵat 07:00-de tolyq sóndirildi.

Aldyn ala málimet boıynsha, órt naızaǵaı túsýden shyqqan.

Oblystyq TJD málimetinshe, barlyq qyzmetterdiń jedel áreket etýi men úılesimdi jumysy jalyndy keńinen taratýǵa jol bermeı, óńirdegi qundy orman alqaptaryn saqtap qalýǵa múmkindik berdi.

Eske sala ketıeik, buǵan deıin Atyraýda «Aqjaıyq» rezervatyndaǵy órtti sóndirýge taǵy bir tikushaq tartylǵanyn jazǵan edik.