ShQO-da oraza ustaǵan halyqqa Prezıdent atynan aýyzashar berildi
ÓSKEMEN. KAZINFORM - Shyǵys Qazaqstan oblysynda Ramazan aıynda aýyz bekitken halyqqa Prezıdent atynan aýyzashar berildi.
Óskemen qalasyndaǵy Halıfa Altaı atyndaǵy ShQO meshitinde Memleket basshysy Qasym-Jomart Toqaevtyń atynan 290 jamaǵatqa aýyzashar berildi.
«Barshańyzdy Ramazan aıynyń bastalýymen quttyqtaımyn. Ustaǵan orazalaryńyz qabyl bolsyn. Búgin qasıetti merekede «Halıfa Altaı» ortalyq meshitinde Memleket basshysy Qasym-Jomart Kemeluly atynan kópshilikke arnap aýyz ashar berip otyrmyz. Sizderge rýhanı kúsh-jiger, jarqyn kóńil, zor densaýlyq, baq-bereke, tabys tileımin. Elimiz aman, jurtymyz tynysh bolyp, birligimiz ben berekemiz arta bersin», – dedi Ermek Kósherbaev.
Aýyzasharda meshittiń bas ımamy Ermek Muqataı jınalǵan kópshilikti qasıeti Ramazan aıynda ustaǵan orazanyń qabyl bolýyna tilek bildirip, jamaǵatqa arnap orazanyń paıdasy men ustaý qaǵıdalary jóninde ýaǵyz aıtty.
