ShQO-da onynshy táýlik boıy jeti jasar qyzdyń denesin izdeýde
ASTANA. QazAqparat - Shyǵys Qazaqstanda onynshy táýlik boıy jeti jasar Darıa Proskýrınanyń denesi izdestirilýde. Ol balalarmen sý jaǵasyna ketken bolatyn jáne elý metrlik jardan ózenge qulaǵan. Ony izdeýge qosymsha kúshter jumyldyryldy, dep habarlady KTK.
Joǵalǵan qyzdyń ata-analarynyń aıtýynsha, Dasha úlgili bala bolǵan, úlkenderdiń ruqsatynsyz eshqaıda attap baspaǵan. «Ol eshqashan bulaı alysqa ketpeýshi edi. Kóshede júgirip júretin, kúnine áldeneshe ret kelip, sý ishetin, taǵy basqa tamaq suraıtyn», - deıdi Darıanyń anasy Elena Şogaleva.
Chekoman aýyly Ertistiń jarqabaǵynda tur. Onyń bıiktigi shamamen 50 metr. Mine, jeti jastaǵy Dasha osy jarqabaqtan qulap ketken. Oqıǵany kórip turǵan balalar birden kómekke júgirgen. Sodan keıin búkil aýyl Dashany izdep shyqqan.
«Anasy aýysymda kezekshilikte, ákesi óz isimen aınalysýda boldy, bala qaraýsyz qalǵan bolyp otyr», deıdi Dostyq aýylynyń ákimi Núrken Jarlykenov.
Onynshy táýlik boıy qutqarýshylar ózenniń osy jerin súzip shyqty. Іzdestirý jumystaryna óte tereń bolýy jáne aǵynnyń kúshtiligi qıyndyq keltirýde. Semeı qalasy sýdan qutqarý qyzmetiniń ádistemeshisi Tasbolat Kóshkimbaevtyń aıtýynsha, izdestirýge eki motorly qaıyq jáne 40-tan astam adam tartylǵan.
