ShQO-da óńir turǵyndarynan kóp adam ákimshilik jaýapkershilikke tartylǵan
Bul týraly oblystyq prokýratýranyń baspasóz qyzmeti habarlady.
«Sońǵy bes jylda 1 626 381 adamnyń 1 751 636-sy quqyq buzýshylyq jasaǵany anyqtalyp otyr. Bul kórsetkish ShQO turǵyndarynyń sanynan asyp ketken. Jyl saıyn Shyǵys Qazaqstan oblysynyń árbir úshinshi turǵyny ákimshilik jaýapkershilikke tartylady», - dep habarlaıdy oblystyq prokýratýradan.
Sonymen birge, sońǵy bes jyldyń qorytyndysy boıynsha Shyǵys Qazaqstanda árbir tórtinshi kásipker jaýapkershilikke tartylǵan. Mysaly, 2016 jyly 351 957 tulǵa ákimshilik turǵyda quqyqbuzýshy bolyp tanylyp, bul kórsetkish 2012 jylmen salystyrǵanda 20%-ǵa ósken. Tek qana laýazymdy tulǵalar men kámeletke tolmaǵandarǵa qatysty ákimshilik quqyq buzýshylyqtardyń sany azaıǵan.
«Bes jylda jalpy sany 863 myń adam jol qozǵalysynyń erejelerin buzǵany úshin ákimshilik jaýapkershilikke tartylǵan. Polıtsııa qyzmetkerleri Ákimshilik Kodekstiń eń «áıgili» baptaryn qoldanyp, júrgizýshilerge aıyppul salady. ShQO turǵyndaryna kólik quralyn basqarǵan kezde uıaly telefonmen sóıleskeni, jol belgileriniń talaptaryn saqtamaǵany, baǵdarshamnyń tyıym salynǵan beligisine ótkeni jáne t.b. quqyq buzýshylyqtardy jasaǵany úshin ákimshilik aıyppul salynǵan», - delingen habarlamada.
Oblys prokýratýrasy jazalaý áreketterin jeńildetý úshin «Quqyqtyq sana - qoǵam mádenıetiniń kórsetkishi» jobasyn ázirleýde. Keshendi sharalar ákimshilik quqyq buzýshylyqtardy jasalýynyń júıeli sebepterin anyqtaýǵa, azamattardyń quqyqtyq saýattylyǵyn qalyptastyrýǵa, memlekettik organdardyń jumysyna kózqaras men qaǵıdattaryn ózgertýge baǵyttalǵan.