ShQO-da óńir kolledjderine oqýǵa túsken oqýshylar sany artyp keledi
ÓSKEMEN. QazAqparat – ShQO-da tehnıkalyq jáne kásiptik bilim berýdi damytý boıynsha úsh jyldyq baǵdarlama júzege asyrylýda. Aımaq basshysy Danıal Ahmetovtiń tóraǵalyǵymen ótken ákimdik otyrysynda osy baǵdarlama sheńberinde atqarylyp jatqan sharalar talqylandy, dep habarlaıdy QazAqparat tilshisi.
2020 jyldan bastap aımaqtaǵy 59 kolledjde 79 mamandyq boıynsha maman daıarlaý eki deńgeıli oqytý modeli boıynsha júrgizilip keledi. Bul túlekterge birden 3 mamandyq boıynsha biliktilik alýǵa múmkindik beredi
«Búgingi tańda 58 kolledjde dýaldy oqytý belsendi túrde iske asýda. 714 kásiporynmen 4230 shart jasaldy. Sonyń aıasynda túlekter jumysqa ornalasý múmkindigimen is-tájirıbeden ótedi, – dedi ShQO Bilim basqarmasynyń basshysy Saırangúl Jumadilova.
Baǵdarlama aıasynda grant kólemi jyl saıyn 10%-ǵa artyp otyr. Nátıjesinde oqýshylar arasynda óńir kolledjderine túsetinderdiń sany artýda. Máselen, 2018 jyly ShQO kolledjderine 5828 stýdent tússe, ótken jyly bul kórsetkish 6215-ke jetken.
Jalpy ótken oqý jylynda 14 kolledj úshin 144,6 mln teńgege 32 jańa modıfıkatsııa kabınetteri salyndy. 5 jetekshi oqý ornynda WorldSkills standarttaryna sáıkes quzyrettilik ortalyqtary ashyldy.
«Biz balalardy eńbek naryǵyndaǵy suranysqa ıe mamandyqtar boıynsha oqytamyz. Túlekterdiń jumysqa ornalasý úlesin taǵy da arttyrý qajet«, - dep atap ótti ShQO ákimi Danıal Ahmetov.
