ShQO-da óndiristegi jazataıym oqıǵalardan 12 adam kóz jumdy
Memlekettik eńbek ınspektsııasynyń ShQO boıynsha departamenti usynǵan málimetke súıensek, bıyl óńir boıynsha óndiriste 147 jazataıym oqıǵa bolǵan. Sonyń saldarynan 158 adam zardap shekti, onyń 80-i aýyr jaraqat alsa, 12-si kóz jumdy.
«Shyǵys Qazaqstanda 38 myńnan astam adam zııandy jáne qaýipti eńbek jaǵdaıynda jumys isteıdi. Ótken jylmen salystyrǵanda óndiriste jaraqat alý kórsetkishi 8,1 paıyzǵa tómendegen. Óndiristegi jaraqattardyń negizgi úlesi – taý-ken metallýrgııalyq kásiporyndarǵa tıesili», – deıdi basqarma basshysy Baqytbek Qızatov.
Onyń aıtýynsha, departament pen oblys ákimdigi birlesip, 2025 jylǵa deıin qaýipsiz eńbek jaǵdaılaryn qamtamasyz etý boıynsha is-sharalar josparyn qabyldaǵan. Atalǵan jospar sheńberinde birneshe joba júzege asyrylyp, óndiris oryndaryndaǵy baqylaý kúsheıtiledi.