ShQO-da on jastaǵy qyz balany «KamAz» júk kóligi qaǵyp ketti
ASTANA. QazAqparat - Shyǵys Qazaqstan oblysynyń Kúrshim aýdany Kúrshim aýylynda on jastaǵy velosıped teýip ketip bara jatqan qyz balany «KamAz» júk kóligi qaǵyp ketti. Jasóspirim qyz oqıǵa ornynda kóz jumdy, dep habarlaıdy «QazAqparat» HAA tilshisi.
Bul týraly Shyǵys Qazaqstan oblysynyń jumyldyrý daıyndyǵy basqarmasy habarlaıdy. Oqıǵa 2 tamyz kúni saǵat 19:00-der shamasynda tirkelgen. Velosıped tepken qyz bala jol jıeginde ketip bara jatqan. Qaıǵyly jaǵdaıǵa qatysty 1967 jylǵy júrgizýshige aıyp taǵylyp otyr.
ShQO ІІD baspasóz qyzmetiniń habarlaýynsha, qazirgi ýaqytta 50 jastaǵy «KamAz» júrgizýshisine qatysty QR QK 345-baby boıynsha qylmystyq is qozǵalyp, saraptama jumysy taǵaıyndalǵan.
«Velosıpedshi qyz ben «KamAz» júk kóligi bir baǵytta ketip bara jatqan. Jol shetinde ketip bara jatqan 2007 jylǵy jasóspirim qyzdy tirkemesimen qaǵyp ketken. Qazir polıtsııa qyzmetkerleri istiń mán-jaıyn anyqtaý ústinde», - dep málim etti oblystyq ІІD-niń baspasóz qyzmetiniń bastyǵy Baqytjan Torǵaev.
