ShQO-da oqýshylardy tasymaldaıtyn 22 avtobýs satyp alynbaq
ÓSKEMEN. QazAqparat – Shyǵys Qazaqstan oblysynda bıyl mektep oqýshylaryn tasymaldaıtyn 22 avtobýs satyp alý josparlanyp otyr, dep habarlaıdy QazAqparat tilshisi.
ShQO-daǵy 228 aýylda mektep joq. Onda 3497 mektep jasyndaǵy bala turady. Bul týraly aqparattyq ortalyǵynda ótken brıfıng barysynda Shyǵys Qazaqstandaǵy bilim salasy sapasyn qamtamasyz etý departamenti basshysynyń orynbasary Bolat Atybaı málim etti.
«Balalardyń bilim alýyna jaǵdaı jasaý maqsatynda 2804 oqýshy avtobýspen tasymaldanady. Al 693 oqýshy mektep janyndaǵy ınternattarda turady. Balalar kún saıyn qoǵamdyq kólikpen bilim ordasyna jetkiziledi. Osy maqsatta 165 mektep avtobýsy paıdalanylýda», - dedi Bolat Atybaı.
Onyń aıtýynsha, balalardy tasymaldaý barysynda qaýipsizdikti qamtamasyz etý úshin jyl saıyn avtobýs parki jańartylady. Máselen, 2016 jyldan bastap oblystyq bıýdjetten 44 avtobýs satyp alynǵan.
«. Onyń ishinde Abaı aýdanyna – 1, Aıagóz aýdanyna – 2, Besqaraǵaı aýdanyna – 1, Borodýlıha aýdanyna – 2, Jarma aýdanyna – 1, Altaı aýdanyna – 1, Kúrshim aýdanyna – 1, Kókpekti aýdanyna – 2, Ulan aýdanyna – 2, Úrjar aýdanyna – 7, Shemonaıha aýdanyna – 2 avtobýs beriledi, - dedi departamenti basshysynyń orynbasary.
