ShQO-da oqýshy sany artqan mektep ǵımaratyna taǵy eki qabat qosylady
ÓSKEMEN. QazAqparat - Shyǵys Qazaqstan oblysy Ulan aýdany Qasym Qaısenov kentindegi oqýshy sany artqan mektepke eki qabat qosylady, dep habarlaıdy QazAqparat.
Bul jaıly aımaq basshysy Danıal Ahmetov Facebook-tegi paraqshasynda jazdy.
«Ulan aýdanyndaǵy jumys saparym barysynda Qasym Qaısenov kentiniń turǵyndary birqatar áleýmettik máselelerdi kóterdi. Aýdan ortalyǵyndaǵy emhanaǵa jańa ǵımarat qajet. Sondaı-aq kenttegi oqýshylar sanynyń ósip kele jatqanyna baılanysty orta mektepte oryn jetispeýshiligi baıqalady. Osyǵan oraı aýdan ákimine mektepke eki qabat qosýdy tapsyrdym. Bul bilim ordasynyń alǵashqy jobasynda da kórsetilgen», - deıdi oblys ákimi.
Kentte jańa emhana máselesi de jýyq arada sheshimin tappaq. Ol úshin aýdandyq ákimdikke «Dosjan» temir joly» kompanııasynyń úsh qabatty qurylys nysany beriledi. Zań talaptaryna saı, barlyq máseleler sheshilgennen keıin, qurylys jumystaryna jáne qajetti jabdyqtarmen qamtý maqsatynda tıisti qarajat bólinbek.
