ShQO-da oqýshy qyzdy qorlaǵandarǵa qatysty qylmystyq is qozǵaldy

ÓSKEMEN. KAZINFORM – Shyǵys Qazaqstan oblysynda oqýshy qyzdy tizerletip keshirim suratyp jatqan vıdeo tarady. Qazirgi ýaqytta polıtseıler osyǵan qatysty qylmystyq is qozǵady.

Oqıǵa Zaısan aýdanynda bolǵan. Bul týraly vıdeo áleýmettik jelide tarap ketti. Onda kóringendeı, oqýshy qyzǵa bir top qyz álimjettik kórsetken. Ony boqtap, jerge tizerletip keshirim suratqan. 

Atalǵan fakti boıynsha polıtsııa qyzmetkerleri qylmystyq is qozǵady. Bul týraly ShQO Polıtsııa departamentiniń baspasóz qyzmeti habarlap otyr.

«Qazirgi ýaqytta kúdiktiler anyqtalyp, tergeý amaldary júrgizilip jatyr. Sonymen qatar tártip buzǵan qyz balalar mektepishilik esepke alynyp, ákimdik janyndaǵy kámeletke tolmaǵandardyń quqyqtaryn qorǵaý komıssııasyna tıisti usynys engizildi. QR Qylmystyq-protsestik kodeksiniń 201-babyna sáıkes, tergeý múddesindegi ózge aqparattar jarııa etilýge jatpaıdy», - delingen aqparatta.

Vedomstvo dereginshe, polıtseıler bala tárbıesine baılanysty óz mindetterin oryndamaǵany úshin kúdiktilerdiń ata-analaryn jaýapkershilikke tartý maqsatynda tıisti sharalardy qabyldady.  

Eske salsaq, osyǵan deıin ShQO-da 4 alaıaq ózderin rıeltor retinde tanystyryp, 60 mln teńge paıda kórgeni habarlanǵan.