ShQO-da oqshaýlaý rejımin buzǵan 13 adam jaýapqa tartyldy

ÓSKEMEN. QazAqparat – Shyǵys Qazaqstan oblysynda ózin ózi oqshaýlaý rejımin buzǵan 13 adamǵa aıyppul salyndy, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, oqshaýlaný tártibin elemegen 12 adamǵa qatysty QR «Ákimshilik quqyq buzýshylyq týraly» kodeksiniń 425-baby 1-bóligine sáıkes hattama toltyrylǵan. Onyń ishinde Semeıden 10 adam bolsa, Óskemen qalasy men Aıagóz, Glýbokoe aýdandarynan 1 adamnan anyqtalyp otyr.

«Qazirgi ýaqytta oblys aýmaǵynda «Ashyq» jobasyna 6103 nysan (resmı qatysýshylar – 3802, synaq rejımindegiler – 2301) qatysýda. Kún saıyn monıtorıngtik toptar ár obektige karantın rejıminiń saqtalýy boıynsha tekserý júrgizýde. Sonyń nátıjesinde, jobaǵa qatysyp otyrǵan 58 nysanda buzýshylyq tirkelgen», - delingen habarlamada.

Shekteý sharalaryn buzǵan bıznes ókilderine 2 mln teńgeden astam aıyppul salyndy.