ShQO-da ofıtserler Balalardy qorǵaý kúni qarsańynda muqtaj otbasylarǵa qoldaý kórsetti

ÓSKEMEN. QazAqparat – QR Іshki ister mınıstrliginiń Shyǵys óńirlik áskerı-tergeý basqarmasynyń ofıtserleri áskerı qyzmetkerlerdiń balalaryn arnaıy quttyqtap, áleýmettik kómekke muqtaj otbasylarǵa qoldaý kórsetti, dep habarlaıdy QazAqparat tilshisi.

«Olardyń ishinde múmkindigi shekteýli balalar, jalǵyzbasty analar jáne turmysy tómen otbasylar bar. ıAǵnı, biz shynymen qoǵamnan áleýmettik qoldaýdy qajet etetin otbasylarǵa basa nazar aýdaryp, onda tárbıelenip jatqan balalardy merekelerimen arnaıy quttyqtap, kómek kórsetýdi jón kórdik. Sebebi balalar bizdiń erteńgi bolashaǵymyz», - deıdi Shyǵys óńirlik áskerı-tergeý basqarmasynyń bastyǵy polkovnık Muhamed-Qalı Qarsybekov.

Áskerı-tergeý basqarmasynyń ofıtserleri Semeı garnızonyna qarasty áskerı bólimderde qyzmet etip júrgen 10 áskerı qyzmetkerdiń otbasyna kómek kórsetti.

Olardyń táttilermen qosa azyq-túlikke toly balalarǵa arnalǵan bazarlyq qoraby tek kishkentaılardy ǵana emes, ata-analaryn da qýantty. Polkovnık Mýhamed-Qalı Karsybekov balalarǵa baqytty balalyq shaq, umytylmas sátter jáne zor densaýlyq pen jarqyn bolashaq tiledi.