ShQO-da nesıelik seriktestikke qatysty úkim shyqty
ÓSKEMEN. QazAqparat - Shyǵys Qazaqstannyń Kúrshim aýdanynda qurylǵan nesıelik seriktestik «Ertis» áleýmettik kásipkerlik korporatsııasynan jymqyrǵan aqshasyn qaıtardy, dep habarlaıdy QazAqparat tilshisi.
Nesıelik seriktestik «Ertis» áleýmettik kásipkerlik korporatsııasy men turǵyndar arasynda deldaldyq qyzmet atqaryp kelgen. Halyq kásip ashý úshin «Jumyspen qamtý-2020» baǵdarlamasy boıynsha 3 mln teńgelik nesıelerdi osy seriktestik arqyly alyp otyrǵan. Qaryz kúrshimdikter tarapynan ýaqytyly tólengenimen, seriktestik basshylyǵy ol aqshany «Ertis» ÁKK-ge aýdarýǵa «asyqpaǵan».
«Sotaldy tergeý kezinde nesıelik seriktestiktiń ıesi qaltaǵa basqan memleket qarjysyn tolyq kólemde qaıtardy. Sondyqtan, oǵan qarsy qozǵalǵan qylmystyq is toqtatyldy» - delingen óńirlik Memlekettik kirister departamentiniń málimetinde.
