ShQO-da neke qııý azaıyp barady
NUR-SULTAN. QazAqparat - Shyǵys Qazaqstan oblysynda sońǵy 5 jylda neke qııý kórsetkishi ájeptáýir azaıǵan, dep habarlaıdy QazAqparat tilshisi.
Oblystyq statıstıka departamentiniń deregi boıynsha, sońǵy bes jyl ishinde oblysta qıylǵan nekeler sany kemigen. 2013 jyly 13,1 myń neke qıylsa, 2018 jyly bul kórsetkish 9,1 myńǵa deıin azaıǵan.
«Bul faktige «demografııalyq tolqynnyń» quldyraýy áserin tıgizýde. ıAǵnı, 1980-inshi jyldary dúnıege kelgenderdi 90-ynshy jyldary dúnıege kelgen jas býyn «neke rynogynda» almastyrdy» - delingen departament jarııalaǵan aqparatta.
2018 jyly nekege alǵash ret otyrǵan er adamdardyń ortasha jasy - 28,1, áıelderde - 25,8 jasty qurady. Jyl ishinde 1236 aralas neke tirkelipti. Bul árbir segizinshi jup degen sóz.
«Shyǵys Qazaqstanda qazaqtardyń ózge ult ókilderimen nekelesý kórsetkishi eń tómen, 6%-dy qurady. Bul kórsetkish orystarda - 16%, tatarlarda - 88%, nemisterde - 92%. ıAǵnı, halyqtyń jalpy sanynda qandaı da bir ult úlesiniń kemýi atalǵan ult arasynda ultaralyq nekeler sanynyń artýyna ákelip soǵady. Bes jyl buryn qazaqtar bekitken neke odaǵynyń úlesi 60%-dy, orys ultynyń ókilderi - 34%-dy, nemister - 1,5%-dy qurasa, 2018 jyly tıisinshe 62%, 33% jáne 1,6%-ǵa teń. Bul derek oblystyń ulttyq quramy qurylymynyń ózgerýimen sıpattalady» - deılinden statıskalyq derekte.
Statıstkaǵa sensek, oblys boıynsha 2 jupqa 1 ajyrasýdan keledi. Byltyrdyń ishinde 4,6 myń ajyrasý tirkelgen. Bul 2013 jylǵa qaraǵanda 1,6%-ǵa az. Erler arasyndaǵy eń joǵarǵy ajyrasý úlesi 30 - 34 jasty qurasa, áıelderge - 25 - 29 jáne 30 - 34 jas aralyǵyna dóp kelgen.
