ShQO-da názik jandylar Qarýly Kúshter qatarynda jemisti eńbek etip júr
Júldeleri jeterlik
Efreıtor Almıra Moldabekova, aǵa maman ári aǵa radıotelefonshy. 2019-2020 jyldardaǵy ofıtserlik úshsaıystan QR Qarýly Kúshteri boıynsha 1-shi oryn ıegeri jáne Óskemen qalasyndaǵy júzý jarystarynyń júldegeri. «Shyǵys» óńirlik qolbasshylyǵynda ótken prezıdenttik bessaıys, ofıtserlik úshsaıys boıynsha aımaqtyq jarystardyń júldegeri.
Voleıboldan qyzdar komandasynyń quramyndaǵy aǵa serjant Ásem Orazbekova, kishi serjant Samal Jumatova, efreıtorlar Áıgerim Abdýlına, Aıdana Mamyrjanova, Ǵalııa Oralbaeva, Juldyz Meıirmanova, Ásel Ábdirova, Gaýhar Qopabaeva men kapıtan Dınara Ermuqasheva – jyl saıyn ótetin áskerı paradqa qatysýshylar. Komanda quramy 2018 jyly Shý qalasynda ótken Qazaqstan Respýblıkasy Qarýly Kúshteriniń chempıonatynda júldeli 1-shi oryndy ıelendi.
– Serjant Ásel Aıtjanova, komandalyq shtab mashınalary bólimshesiniń komandıri, erler laýazymynda qyzmet atqarady. Al bólim shtabyndaǵy starshına Zarema Magamadova, 3-shi synypty serjant Gúlnar Taǵaeva men efreıtor Narkes Qalkenova t.b qyzdardyń eńbekteri garnızon basshylyǵy tarapynan elenip, únemi eskerilýde, – dep habarlady Óskemen garnızonynyń baspasóz qyzmeti.
Óskemen qalasy áskerı lazareti terapııa bólimshesiniń bastyǵy, medıtsına qyzmetiniń aǵa leıtenanty Nargız Baratova men hırýrgııa bólimshesiniń aǵa maman medbıkesi qatardaǵy Aıaýlym Baısabanova, 97638 áskerı bólimi qarjy qyzmetiniń bastyǵy, gvardııa aǵa leıtenanty Qalamqas Ersultanova, avtokólik qyzmetiniń jaýapty oryndaýshysy gvardııa efreıtory Araılym Qaýkesheva, ShQO QІD jumyldyrý is júrgizý bólimshesiniń bastyǵy, serjant Nazgúl Orazımanova men qupııa bólim bastyǵy kishi serjant Anar Myrzahmetova, Óskemen qalasy QІB memlekettik qupııalardy qorǵaý bólimshesiniń bastyǵy 3-synypty serjant Merýert Óteýlına syndy arýlar óz isteriniń mamany, jaýyngerlik jáne memlekettik-quqyqtyq daıyndyqtyń úzdikteri.
Kómektesýge árkez daıyn
– Shańyraqtyń uıtqysy áıel desek te, áskerı bólimdegi ártúrli is-sharalardy uıymdastyryp, ótkizýde de osy áıelder ujymy belsendi. Vzvod, rota men batalon komandırlerine kómek retinde jáne merzimdi qyzmettegi sarbazdardy zerdeleý maqsatynda, ár áskerı áıel qyzmetshilerge áskerı bólim komandıriniń buıryǵymen sarbazdar bekitilgen. Ol da óte jaýapty is, – deıdi garnızon bastyǵynyń tárbıe jáne ıdeologııalyq jumystar jónindegi orynbasary maıor AbzalTajdınov.
Sonymen qatar áskerı qyzmetshilerdiń otbasy múshelerimen jumystardy uıymdastyrý boıynsha qyzmet jetekshisi Lázzat Doshmanova, qyzmet músheleri Gúlnar Turǵynbaeva men serjant Indıra Berdiǵojına, serjant Nazgúl Nákenova áskerı bólim basshylyǵy men áskerı qyzmetshilerdiń otbasylaryna belsendilikpen únemi kómek kórsetedi.
– Kóktemniń shýaqty merekesi 8 naýryz – Halyqaralyq áıelder kúni qarsańynda QR QK áskerı áıel qyzmetkerleri men barlyq názik jandylar qaýymyna alǵys bildirip, myqty densaýlyq, otbasylyq baqyt tileımiz, – dep quttyqtady Óskemen garnızonynyń basshylyǵy.
