ShQO-da naýqas balaǵa aqsha jınaýǵa arnalǵan qaıyrymdylyq jáshigi urlandy
ÓSKEMEN. QazAqparat – Shyǵys Qazaqstan oblysy Úrjar aýdanynda er adam naýqas balaǵa arnalǵan qaıyrymdylyq jáshigin urlap ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, qaıyrymdylyq jáshigi onkologııalyq aýrýǵa shaldyqqan 13 jastaǵy balanyń emine aqsha jınaý úshin qoıylǵan. Jáshik aýdandyq aýrýhananyń foıesinde ornatylǵan edi. Urlyq faktisi baqylaý kameralaryna túsip qalǵan. Kadrlardan er adamnyń jáshikti polıetılen paketke salyp, ózimen birge alyp ketkeni kórinip tur.
«Jedel-izdestirý sharalaryn júrgizgen tártip saqshylary beınebaqylaý kameralaryndaǵy jazbalardy muqııat zerttedi. Polıtseıler jáshikti alyp ketken Úrjar aýdanynyń 36 jastaǵy turǵynyn qolǵa túsirdi», - dedi ShQO PD bastyǵy Saǵat Madıev.
Kúdikti aqshanyń biraz bóligin jeke qajettilikterine jumsap úlgergen. Naýqas balanyń ata-anasy qaıyrymdylyq jasaǵan barlyq jandarǵa alǵys aıtyp, uryny tez arada qolǵa túsirgen polıtsııa qyzmetkerlerine rızashylyqtaryn bildirdi.
Anasynyń aıtýynsha, keltirilgen materıaldyq zalaldyń naqty mólsheri belgisiz. Jınalǵan aqsha leıkoz dertine dýshar bolǵan balanyń emine jumsalmaq edi. Qalǵan aqsha tárkilenip, anasyna berildi. Úrjar aýdandyq polıtsııa bóliminiń qyzmetkerleri QR QK-niń 188-baby 1-bóligi (urlyq) boıynsha sotqa deıingi tergeý amaldaryn júrgizýde.
